PTI.GE
ინსპექტირების ცენტრები
სასარგებლო ინფორმაცია
კარიერა
საქართველოში პერიოდული ტექნიკური ინსპექტირების რეფორმის ამოქმედების დღიდან ავტომფლობელებისთვის აქტუალურ საკითხად რჩება ინსპექტირების პროცესის დეტალების ცოდნა — რა მოწმდება ავტომობილის ისპექტირებისას, რომელ ტექნიკურ ელემენტებს ექცევა განსაკუთრებული ყურადღება და რა საკითხები უნდა გაითვალისწინოს მფლობელმა ინსპექტირების ცენტრში მისვლამდე. ამ გზამკვლევში სწორედ იმ ძირითად საკითხებს განვიხილავთ, რომელთა წინასწარი გადამოწმებაც დაგეხმარებათ ავტომობილი უკეთ მოამზადოთ ტექინსპექტირებისთვის.
როგორ მიმდინარეობს პერიოდული ტექნიკური ინსპექტირება?
პერიოდული ტექნიკური ინსპექტირება ხორციელდება აკრედიტირებულ ინსპექტირების ცენტრებში და მიზნად ისახავს ავტოსატრანსპორტო საშუალების ტექნიკური მდგომარეობის შეფასებას საგზაო უსაფრთხოებისა და გარემოსდაცვითი მოთხოვნების შესაბამისად. ინსპექტირების პროცესი რეგულირდება საქართველოს მთავრობის დადგენილი ტექნიკური რეგლამენტების (№510, №511 და №37) შესაბამისად, რომლებიც განსაზღვრავს როგორც ინსპექტირების ჩატარების წესსა და პირობებს, ასევე იმ ტექნიკურ მოთხოვნებს, რომლებსაც ავტოსატრანსპორტო საშუალება უნდა აკმაყოფილებდეს. აღნიშნული რეგლამენტების საფუძველზე, ყველა აკრედიტირებულ ინსპექტირების ცენტრში შემოწმება ერთიანი სტანდარტით ხორციელდება, რაც უზრუნველყოფს შეფასების ობიექტურობას, გამჭვირვალობასა და ერთგვაროვან მიდგომას. ინსპექტირების პროცესში ავტოსატრანსპორტო საშუალება მოწმდება როგორც ვიზუალური დათვალიერების (ორგანოლეპტიკურად), ისე სპეციალური გამზომი ხელსაწყოების გამოყენებით. შემოწმებისას ფასდება ავტომობილის შემდეგი ძირითადი კომპონენტები:
თითოეული ელემენტი ფასდება მოქმედი ტექნიკური მოთხოვნების შესაბამისად, რის საფუძველზეც განისაზღვრება ავტომობილის შესაბამისობა პერიოდული ტექნიკური ინსპექტირების მოთხოვნებთან.
რატომ არის მნიშვნელოვანი ტექინსპექტირებისთვის წინასწარ მომზადება?
ტექინსპექტირებამდე ავტომობილის წინასწარი შემოწმება საშუალებას გაძლევთ უკეთ გაიგოთ მისი ტექნიკური მდგომარეობა და ყურადღება მიაქციოთ ისეთ დეტალებს, რომლებიც ყოველდღიური გადაადგილებისას შესაძლოა შეუმჩნეველი დარჩეს. წინასწარი მომზადება არ ცვლის პროფესიულ დიაგნოსტიკას, თუმცა მარტივი ვიზუალური შემოწმებით შესაძლებელია ისეთი საკითხების აღმოჩენა, რომლებიც დამატებით ყურადღებას საჭიროებს.
ავტომობილის წინასწარი გადამოწმება დაგეხმარებათ:
რა უნდა შეამოწმოთ ტექინსპექტირებამდე?
ტექინსპექტირების ცენტრში ავტომობილის წარდგენამდე სასურველია რამდენიმე მნიშვნელოვანი დეტალის წინასწარ გადამოწმება,ავტომობილი უნდა იყოს სუფთა მდგომარეობაში — მათ შორის ძარის გარე ზედაპირი, ძრავის განყოფილება და ავტომობილის ქვედა ნაწილი. ეს პირობა აუცილებელია, ვინაიდან გარეგანი დაბინძურება ხელს უშლის ისეთი ელემენტების ვიზუალური შემოწმებას, როგორებიცაა სატრანსპორტო საშუალების საიდენტიფიკაციო ნომერი (VIN), სითხეების გაჟონვის კვალი და სხვა ტექნიკური კომპონენტები.
საბურავები ავტომობილის უსაფრთხოების ერთ-ერთი უმნიშვნელოვანესი ელემენტია, რადგან ისინი პირდაპირ გავლენას ახდენს გზასთან მოჭიდებასა და ავტომობილის მართვის სტაბილურობაზე.
ყურადღება მიაქციეცით:
ფარები, შუქამრეკლები და ელექტრომოწყობილობა;
განათების სისტემა ავტომობილის უსაფრთხოების ერთ-ერთი მნიშვნელოვანი კომპონენტია, რადგან უზრუნველყოფს როგორც მძღოლის სათანადო ხილვადობას, ისე გზის სხვა მონაწილეებისთვის ავტომობილის დროულად აღქმას. ტექინსპექტირებამდე გადაამოწმეთ ყველა გარე განათების მოწყობილობის გამართულობა, მათ შორის:
განათების მოწყობილობებს არ უნდა ჰქონდეს ვიზუალური დაზიანება, ბზარები ან დარღვეული ჰერმეტულობა. ასევე, მათი მუშაობა უნდა შეესაბამებოდეს ავტომობილის კონსტრუქციულ მოთხოვნებს. ყურადღება მიაქციეთ, რომ ფარების სხივის მიმართულება და დახრის კუთხე იყოს სწორად რეგულირებული, რათა უზრუნველყოფილი იყოს გზის სათანადო განათება და არ მოხდეს შემხვედრი მძღოლის მხედველობაზე ზემოქმედება.
საქარე მინა, მინის საწმენდები და მრეცხები:
კარგი ხილვადობა უსაფრთხო გადაადგილების ერთ-ერთი მთავარი პირობაა, ამიტომ ტექინსპექტირებისას განსაკუთრებული ყურადღება ექცევა საქარე მინის, მინის საწმენდებისა და მრეცხების გამართულ მუშაობას.
ტექინსპექტირებამდე გადაამოწმეთ:
გაითვალისწინეთ, რომ თუ მინის მრეცხავის ტუმბო მუშაობს, მაგრამ ავზში სითხე არ არის, ეს უმნიშვნელო ხარვეზად ფასდება. ხოლო იმ შემთხვევაში, თუ მინის საწმენდები ან მრეცხავის სისტემა არ მუშაობს, ეს შეიძლება მნიშვნელოვანი ხარვეზის საფუძველი გახდეს.
უსაფრთხოების ღვედები:
ყველა უსაფრთხოების ღვედი უნდა იკეტებოდეს და იხსნებოდეს შეფერხების გარეშე. ღვედებს არ უნდა ჰქონდეს დაზიანება, რომელიც ხელს უშლის მათ ფუნქციონირებას.
კარები და საკეტები
ავტომობილის ყველა კარი უნდა იღებოდეს და იკეტებოდეს შეფერხების გარეშე, რათა უზრუნველყოფილი იყოს მგზავრების უსაფრთხოდ ჩასხდომა, გადმოსვლა და საჭიროების შემთხვევაში ავტომობილის სწრაფად დატოვება.
ტექინსპექტირებამდე გადაამოწმეთ:
პერიოდული ტექნიკური ინსპექტირების ფარგლებში სამუხრუჭე სისტემის შეფასება ხორციელდება სპეციალური გამზომი ხელსაწყოების გამოყენებით, რომელთა საშუალებითაც განისაზღვრება მუშა და სადგომი მუხრუჭების ეფექტურობა, მოწმდება დამუხრუჭების ძალის თანაბარი განაწილება და ფასდება სამუხრუჭე სისტემის საერთო ტექნიკური მდგომარეობა და გამართულობა.
ავტომობილის დაქოქვის შემდეგ ყურადღება მიაქციეთ ხელსაწყოების დაფაზე არსებულ ინდიკატორებს. მუდმივად ანთებული გამაფრთხილებელი ნიშნები, მაგალითად ABS-ის ან უსაფრთხოების ბალიშის (Airbag/SRS) ინდიკატორი, შესაძლოა მიუთითებდეს სისტემის გაუმართაობაზე.ტექნიკური მდგომარეობა და გამართულობა.
შასი და შემადგენელი ნაწილები:
შემოწმებისას ფასდება:
ყურადღება მიაქციეთ:
გამონაბოლქვი, ხილული კვამლი და საწვავის სისტემა:
ტექინსპექტირებისას ყურადღება ექცევა ავტომობილის გამონაბოლქვის სისტემის მდგომარეობასა და გარემოსდაცვით მაჩვენებლებს. ინსპექტირებამდე სასურველია ყურადღება მიაქციოთ, ხომ არ შეინიშნება ავტომობილის მუშაობისას ჭარბი ან უჩვეულო ხილული კვამლი. მისი არსებობა შესაძლოა მიუთითებდეს ძრავის ან გამონაბოლქვის სისტემის გაუმართაობაზე და საჭიროებდეს დამატებით შემოწმებას.
სითხეების გაჟონვა:
ვიზუალურად შეამოწმეთ ავტომობილის ძრავის განყოფილება და ქვედა ნაწილი. არ უნდა შეინიშნებოდეს:
სანომრე ნიშნები და VIN კოდი:
ავტომობილის ინსპექტირებისას აუცილებელია მისი იდენტიფიკაციის შესაძლებლობა, ამიტომ ყურადღება მიაქციეთ, რომ:
სარკეები და ხმოვანი სიგნალი:
გადაამოწმეთ, რომ ყველა სარკე იყოს მყარად დამაგრებული, არ ჰქონდეს ბზარები ან ისეთი დაზიანება, რომელიც ზღუდავს ხილვადობას. ასევე დარწმუნდით, რომ ხმოვანი სიგნალი მუშაობს გამართულად.
რა არ მოიცავს ტექინსპექტირება?
პერიოდული ტექნიკური ინსპექტირებისას არ მოწმდება ავტომობილის ფერი ან შეღებვის შედეგად ძარის ცალკეული ელემენტების განსხვავებული შეფერილობა.
მნიშვნელოვანია იცოდეთ, რომ ინსპექტირების ცენტრი არ ახორციელებს ავტომობილის შეკეთებას, რეგულირებას ან ტექნიკურ მომსახურებას. ინსპექტორის ფუნქციაა ავტომობილის ტექნიკური მდგომარეობის შეფასება მოქმედი მოთხოვნების შესაბამისად და გამოვლენილი ხარვეზების დაფიქსირება.
თუ ინსპექტირებისას გამოვლინდა ხარვეზი, ავტომფლობელს გადაეცემა შესაბამისი დოკუმენტი ავტომობილის მდგომარეობისა და შემდგომი მოქმედებების შესახებ;